Pallasmíði, skjólveggir og hellulagnir

Húsvættir smíða sólpalla, skjólveggi og grindverk og leggja hellur á höfuðborgarsvæðinu — frá litlum pöllum upp í stórar verandir með skjólveggjum. Verk sem standast íslenskt veður.

Fá tilboð Þjónustan

Góður pallur snýst um það sem ekki sést: undirstöðurnar, burðarvirkið og frágang sem þolir íslenska veðráttu. Við smíðum sólpalla, skjólveggi og grindverk á höfuðborgarsvæðinu — frá litlum pöllum við sumarbústaði upp í stórar verandir með skjólveggjum og lýsingu.

Burðarvirki sólpalls í smíðum — bitagrind á undirstöðum, unnið af Húsvættum — Burðarvirkið og undirstöðurnar ráða endingu pallsins — þar byrjar góð pallasmíði.

Sólpallar

Pallur sem er rétt byggður frá grunni endist áratugi; pallur á lélegum undirstöðum fer að síga og vinda sig á fáum árum. Við byrjum því alltaf á jarðvinnu og undirstöðum sem hæfa aðstæðum á lóðinni, og veljum burðarvið og efni með tilliti til þess hvernig pallurinn verður notaður. Við vinnum með gagnvarinni furu, lerki, harðviði og hitameðhöndluðu timbri (thermowood) og ráðleggjum um efnisval út frá húsinu og veðurálaginu á staðnum.

Ef þú ert með teikningu eða hugmynd vinnum við út frá henni; ef ekki, komum við og leggjum til útfærslu miðað við lóðina, sólargang og skjólþörf.

Fullkláraður sólpallur úr timbri með bitaverki á höfuðborgarsvæðinu — Fullkláraður sólpallur — traust burðarvirki og snyrtilegur frágangur.

Skjólveggir og grindverk

Skjólveggur breytir því hvernig pallur og garður nýtast — kvöld sem annars væru of vindasöm verða nothæf. Við smíðum skjólveggi sem hluta af pallaverki eða sem sjálfstæð verk, ásamt grindverkum á lóðamörkum. Sjá skjólvegg sem við reistum í Sundunum.

Skjólveggir allt að 1,8 m eru almennt leyfisfrjálsir svo lengi sem þeir standa ekki of nærri lóðamörkum; á sjálfum lóðamörkum má reisa allt að 1,8 m vegg með undirrituðu samþykki nágranna. Við förum yfir hvort verkið þitt fellur þar undir í tilboðsferlinu — sjá nánar í algengum spurningum.

Hellulagnir og steinverk

Við leggjum hellur á stíga, verönd og innkeyrslur. Réttur undirbúningur á undirlaginu ræður öllu um endinguna — með réttri jarðvinnu og efnisvali tryggjum við slétt og stöðugt yfirborð sem heldur sér þrátt fyrir frost og umferð.

Hvernig verkið gengur fyrir sig

Þú hringir eða sendir fyrirspurn — gott ef mál eða mynd af svæðinu fylgir.
Við komum á staðinn, mælum og ræðum útfærslu.
Þú færð tilboð með efnislýsingu.
Jarðvinna og undirstöður, svo smíðin sjálf.
Frágangur og yfirferð með þér í lokin.

Jarðvinna og undirstöður undir nýjan sólpall á höfuðborgarsvæðinu — Allt byrjar á jarðvinnu og réttum undirstöðum.

Hvað ræður verðinu?

Tveir pallar með sömu fermetratölu geta kostað mjög mismikið. Það sem vegur þyngst: stærð og lögun, jarðvinnan — sléttur grasflötur er allt annað verk en halli eða klöpp — efnisval í gólfi og skjólveggjum, hæð pallsins frá jörðu og aukahlutir eins og tröppur, bekkir, lýsing eða gler í skjólveggi.

Hringdu í 762-8400 og lýstu hugmyndinni, eða sendu fyrirspurn — þá segjum við þér hvaða atriði munu ráða verðinu í þínu verki og hvað skoðun á staðnum leiðir í ljós.

Algengar spurningar

Hér finnur þú svör við ýmsum algengum spurningum. Ef þú ert með spurningu sem ekki er svarað hér að neðan skalt þú ekki hika við að hafa samband við okkur!

Það ræðst af stærð, jarðvinnu, efnisvali og aukahlutum — sjá kaflann um verð hér að ofan. Lýstu hugmyndinni í síma og við segjum þér hvað mun ráða verðinu í þínu verki.

Smíðin sjálf er möguleg stóran hluta ársins, en eftirspurnin er mest á vorin — þeir sem panta að hausti eða vetri lenda framar í röðinni og pallurinn er tilbúinn þegar sólin kemur.

Það fer eftir hæð og staðsetningu, einkum á lóðamörkum. Skjólveggir allt að 1,8 m eru almennt leyfisfrjálsir standi þeir ekki of nærri mörkunum, en á sjálfum lóðamörkum þarf samþykki nágranna. Við bendum á það í tilboðsferlinu ef þitt verk kallar á samþykki eða leyfi.

Við vinnum með gagnvarinni furu, lerki, harðviði og hitameðhöndluðu timbri (thermowood). Efnisval fer eftir notkun, útliti og fjárhagsramma, og við ráðleggjum um það sem hentar þínu verki.

Já, við bjóðum ráðgjöf og aðstoð við efnisval og hönnun áður en verkið hefst, svo útkoman verði bæði falleg og hagnýt.

Verkefni